【 iPhone攻略】iPhone 新機、舊機維修價錢逐項睇＋慳錢大法
廣告
由零機價上台出機到iPhone舊機回收價，想換機的果迷們應該都換得七七八八，但大家會否想過幫新機做足準備辦理「機後事」呢？大家又知不知道現時iPhone 新機、舊機的維修價去到幾多？不想付昂貴的維修費用，就要留意以下各項維修服務的價目表！
撰文：瘋果迷｜圖片來源：Apple
iPhone XS Max 維修價格最高
新iPhone XS / XS Max 的高容量版本定價過萬，維修費固然成為歷屆系列中最貴，萬一不幸跣手跌爆mon或後面玻璃面，真的要做定心理準備… 以下就是Apple官方網站公佈的各部iPhone不同維修服務的價目表：
想慳錢…. 必買Apple Care+ 保多一年！
有時要慳錢，可能必須要用錢買少少保障，講的是Apple Care+。雖然每個在 Apple 購買的產品都有一年 AppleCare保障，不過大家當然想新機可以用得幾耐得幾耐，但如果在已過保養期間不幸有損壞，到時維修費用真的差不多夠買半部iPhone XS，要不要額外購買 AppleCare+? 一於看看有AppleCare+的分別有幾大啦！
「其他損壞」費用
AppleCare+ 價錢需要$1,888港幣，可能一下子未必捨得買，但大家要再仔細想清楚，萬一… 萬一… 萬一… (重要的事要重複三次) 大家不小心整爛部新機，到時拎去Apple維修的價錢見到心都「肉赤」。趁大家新機落手未夠60日內補買AppleCare+ 全方位服務計劃就最穩陣。
