iPhone零機價入手？本港電訊商上台月費優惠逐間睇
撰文：Chim｜圖片來源：1010、3HK、CSL、CMHK、SmarTone
iPhone零機價大比拼
1. 1010
作為「貴族台」的1010，月費計劃方面自然「高人一等」，想用最低門檻零機價入手iPhone XS系列？恐怕大家只能以$799月費計劃先做到零機價上台出機優惠，雖然貴plan有20GB數據用量 + The Club 會員限定送 2GB 大陸漫遊數據及「86-易」大陸手機號。但如果已經有雙卡功能的iPhone XS系列幫助下，吸引力夠嗎？
2. 3HK
3HK最新的iPhone XS系列月費計劃分為4種：$298 (1GB)、$408 (2.5GB)、$538 (6GB) 及 $728 (10GB)，另加合約期內分別獎賞4GB至10GB不等的數據量。想要零機價入手的果迷們，可以選擇$538月費計劃出大細機iPhone XS系列，不過需簽約30個月以上；如果想合約期較短，可揀最貴$728月費計劃，當中細機XS 64GB還有額外回贈 $1200，總計相比$538月費其實只不過貴百幾蚊，但有多4GB數據量，大家識諗喇！
3.CSL
輪到CSL，今次出機計劃只有XS 64GB、256GB及XS Max 64GB有零機價玩，加上要成功入手必須選擇最貴的$738的月費計劃才享有優惠。合約方面，所有iPhone XS系列出機月費計劃都均須簽約24個月，當然大家怕數據量唔夠用，可每月加 $50，啟用｢用量皇｣數據組合使用無限數據服務。
4. CMHK
筆者以「4.5G全速本地買機上台」月費計劃作比較，大家想享用零機價優惠就必須選擇$578月費計劃，並簽約24個月才 有免費iPhone到手，以為好荀好抵 ？但正所謂「魔鬼都藏在細節裡」，大家要留意零機價優惠只限iPhone XS 64GB，完全深深體會到甚麼叫做「到喉唔到肺」。果迷想要大機或大容量版本？在CMHK上台的話仍只能乖乖給千幾到幾千蚊不等的上台價啦！
5. SmarTone
SmarTone推出的「4.5G iPhone超貼心智能手機計劃」，零機價優惠目標亦同上面幾間電訊商都相當類近，又是要選擇最貴的$748月費計劃才有零機價入手iPhone XS系列，不過機款只限XS 64GB、256GB及 XS Max 64GB，同樣簽24個月合約期就可以上台出機。如果大家又考慮到SmarTone同時有額外獎賞及服務回贈都尚算有用的話，分別是雙倍本地數據用量、大灣區4GB數據用量及幾實用的爆芒換新服務（優惠價），以上這些不難成為值得大家考慮的因素之一，其實好多時都要等價交換。
