推介最全面在家運動App 過100動作蝸居冇時間都輕易KO

CentralEditor_SW

Apr 9 2020

你有心做運動，疫情係阻你唔到！而家好多Facebook專頁、YouTuber同App都好全面地鼓勵大家keep住在家運動，就算時世唔好，都令大家可以在家運動，一路保持Health Life, Happy Life！咁先可以打勝仗！而Nike NTC App就係其中一個好幫手。

撰文：Ethan Wong｜圖片：Nike NTC App、Home Sweat Home video

Nike Training Club（NTC）App內有過100種運動提供，所有動作分好晒類，你想要求鍛鍊邊個部位？訓練耐力定係body？空間有幾多？有冇器材配合到？有晒片同時間俾你跟住做。定好自己計畫，每日跟住做，保持Health Life, Happy Life！（按此download）

自定訓練Step by Step

個App操作都好簡單，入去到，可以先循「系列」（左圖）或計畫（右圖）中選擇你想進行嘅訓練，想入門級20分鐘內完成？又或者想focus on增進體力？都冇問題！

選好計畫或系列，進入後仲有得分級數、時間及動作組合等，選定目標撳入去，就可以隨時開始！

每組動作定好晒先後次序、進行時間，最正係有晒片俾你跟住做，包冇做錯！

1. 介紹完NTC App，提供埋實試片俾大家參考，space細細，都可以喺個App度搵到所需運動；香港人最大問題，就係土地問題，留喺屋企唔知做咩運動好？其實蝸居都可以做到好多運動，有冇信心挑戰先？

2. 最近大家少出街，當然多咗時間喺屋企煲劇，零食自然食多咗！就算邊煲劇邊做運動都仲得添！唔好再瀨冇位做運動啦！

3. 呢個時勢，你同我都可能大部分時間要WFH（Work from Home），不過就算你等緊老闆或者客覆嘢，都可以把握時間喺屋企做運動！Keep fit之外，重可以等自己心情好啲，腦又轉快啲！

4.日日困喺屋企冇得四圍去，食飽就瞓，瞓飽就食？運動量嚴重不足？蝸居都可以做到好多運動，睇緊嘅書加埋嚟做輔助都得添！快啲一齊郁下啦！（按此download）

Tag