平民版iPhone 9 五大特色搶先睇 9月正式開賣 ！

編輯：Terry Ho | 撰文：Kevin Au、白仔｜圖片來源：影片截圖

平民版iPhone9 五大特色搶先睇

1.無邊框螢幕

iPhone 9 同 iPhone X 唔同，將唔會用貴價嘅 OLED 屏幕，而係換上LCD 屏幕。雖然換了 Mon，相信蘋果唔會將價就貨，唔會特別擴闊三款新機差異 iPhone 9 顯得低階。而且呢次iPhone 9嘅Mon亦都會比iPhone X稍為闊些少。

iPhone 9 嘅 LCD Mon 係 JDI 出品嘅半柔性 LCD 螢幕，加上新型嘅 LED 背光光源，所以邊框厚度可以縮減。

2.超亮螢幕

外媒消息指新 iPhone 可能係由 LG 生產，所以有機會使用新顯示技術 MLCD。 螢幕除了靠三原色 RGB 顯示外，額外加入白色像素，令整體亮度提升。大家煲劇睇片要小心唔好較咁光啊。

 3.Face ID升級

一如既往，今年所有新 iPhone ，包括平價 iPhone 9 都有 Face ID 功能。雖然這個功能暫時都未去到好優化，但消息指今次新iPhone嘅Face ID功能會更安全、快捷同埋有更廣的覆蓋範圍。

4.多顏色選擇

為推出今次新一批 iPhone，蘋果測試左好多新機身配色，包括白，太空灰，紅，黃，橙，藍同粉紅等 9 種顏色。作為針對負擔能力較低嘅年輕一代嘅入門級iPhone ，預計會以多色作為賣點。而且今次呢部入門級iPhone都會以年輕手市場為主要目標群。

5. 價錢便宜

除左新技術，顏色等等賣點，一句講晒，iPhone 9 最大賣點就係平。價錢真係唔差，大約賣 600 至 700 美金，即大約港幣 $4,800 至 $5,600 等。比起其他 iPhone 唔算貴。外界都對今次新iPhone的銷售量估計會比iPhone X更好。

附錄：

網上流傳左一般名為「iPhone 9 Final Design」嘅短片，點擊率高達 1600 萬。入面顯示左 iPhone 9 可以拉大屏幕嘅破格設計，唔知真定假呢？大家拭目以待啦。

本文獲【NMPLUS】授權轉載。